د فوټسال ورزشي ټورنمنټ ترسره کول د خاتم النبیین (ص) پوهنتون د غزني څانګې له کلنیو پروګرامونو او پالیسیو څخه دي، چې د ژوندانه علمي چاپېریال د رامنځته کولو، ورزش ته د زده کوونکو د هڅونې، د مینې او همکارۍ د روحیې د لوړولو او د زده کونکو او اکادمیکانو د روغتیا او هوساینې کچه زیاتولو په موخه ترسره کېږي. د همدې تګلارې سره سم، د دغه پوهنتون د فرهنګ، دعوت او ارشاد آمریت له خوا د (د همپالنې او یووالي) تر سرلیک لاندې د ۱۴۰۳ کال د محصلینو د فوټسال ټورنمنټ چمتو شوی او د پرانېستې مراسم یې د شنبې په ورځ ۱۲/۳/۱۴۰۳ د ماسپښین په۱:۰۰ بجو د افتخار سپورټس کمپلیکس په تالار کې ترسره شوه.
د دې مراسمو په پیل کې، چې په کې د پوهنتون محترم رئیس، اداري او مالي مرستیال، د پوهنتون استادانو او کارکوونکو او په دغه ټورنمنټ کې ګډون کوونکو محصلینو ګډون کړی وو، ښاغلی ډاکټر حبیبي دپوهنتون رئيس خبرې وکړې او په پيل کې يې د فرهنګ، دعوت او ارشاد آمریت ډاکتر بسم الله مهدوي د ټولو هلو ځلو ستاينه وکړه. بیا یې د ټورنمنټ نوم د (همپالنې او یووالي) په نامه یاد کړ او د زده کوونکو د خواخوږۍ او همکارۍ غوښتنه یې وکړه چې د اجتماعي اهدافو د ترلاسه کولو لپاره د ژوند په ټولو برخو کې همکاري وکړي او هیله یې څرګنده کړه چې دا همپالنه او همدردي په ملي کچه او هم د دولت او ملت تر منځ رامنځته شوې او د دې خاورې د ابادۍ، سوکالۍ، عزت او وياړ لپاره بايد هر څوک په ګډه کار او مبارزه وکړي. د وینا په پای کې ډاکټر حبیبي په دې ټورنمنټ کې ټولو ګډون کوونکو لوبډلو ته د بریا هیله وکړه او له ګډون کوونکو څخه یې وغوښتل چې د لوبو پر مهال ورزشي اخلاق او اصول مراعات کړي.
د ډاکټر حبیبي له وینا وروسته د دغو لوبو د پرانیستلو ربن د ریاست مقام او د غزني د خاتم النبیین پوهنتون او د خاتم النبیین د صحي علومو انستیتوت د محترمو استادانو له خوا پرې کړل شو او لوبې په رسمي ډول پیل شوې.
د يادونې وړ ده، چې په دې سياليو کې د طب، اقتصاد، حقوق او سياسي علومو پوهنځيونو او د خاتم النبيين صحي علومو انستيتوت ١٢ ټیمونه برخه اخيستې دي او دوه اوونۍ به په کې يو له بل سره سيالۍ وکړي.
