د چهارشنبې په ورځ د ۱۴۰۱ لمریز کال د سنبلی د میاشتې په ۲۳ مه نېټه د خاتم النبیین پوهنتون د غزنی څانګې د محصلینو د چارو د معینیت د اداري او مالي معین له خوا د ښځینه محصلینو لپاره د قوانینو او مقرراتو د پوهاوي غونډه د پوهنتون د کنفرانسونو په تالار کي جوړه شوه. دغه غونډه د۱۴۰۱ ښوونیز کال د مني سمستر د نویو محصلینو د تعلیمي او اداري قوانینو او مقرراتو سره د آشنا کیدو په موخه جوړه شوه. غونډه د پوهنتون د لومړي سمستر د محصل نورالسما سعادت له خوا د الله مجید د څو مبارکو آیاتونو په تلاوت سره پیل او د خاتم النبیین (ص) پوهنتون د غزني څانګه د محترم رئیس دکتر حبیبي په وینا یې دوام وکړ. په دغو خبرو کې دکتر حبيبي نويو محصلينو ته د ښه راغلاست په ترڅ کې په ژمنتيا سره د تخصص د يوځاى کولو اړتيا څرګنده کړه او ويې ويل چې دلته زموږ دنده د زده کوونکو لپاره خدمت کول او د زده کړې د مناسب چاپيريال رامنځته کول دي. په هغه کې به اصلي دیني او ملي ارزښتونه تیریږي او تخصص او مسلکي پوهه به ترې زده کیږي. د پوهنتون محترم رئیس په خپلو ویناوو کي پر محصلینو ټینګار وکړ، چې د پوهنتون په بېلابېلو څانګو کې له رامنځته شویو فرصتونو او امکاناتو څخه په بشپړه توګه ګټه پورته کړي او د حجاب مراعات او د اسلامي ارزښتونو ساتنې ته درناوی وکړي. د پوهنتون محترم رئیس څخه ورسته د اداري مالي مرستیال پوهاند کریمي وینا وکړه او محصلینو ته یې د پوهنتون اداري قوانین او مقررات تشریح کړل. ورپسې د محصلانو چارو مرستیال پوهنمل پویا د تعلیمي اصولو او مقرراتو په اړه خبرې وکړې. او دې غونډي په وروستیو کې د خاتم النبیین (ص) د صحي علومو د انستیتوت رئیس ډاکټر شریفي د انستیتوت د قوانینو او مقرراتو په اړه خبرې وکړې او د نویو الشمولو محصلینو ته یې اړینی خبري وکړي.
