د ښوونې، څېړنې د کیفیت لوړولو او د ستونزو د حل په موخه، د ۱۴۰۴ کال د ثور میاشتې په ۴مه نېټه د پنجشنبې په ورځ د خاتم النبیین(ص) پوهنتون د غزني څانګې د علمي معاونیت سمسترواره غونډه د علمي کادر له استادانو سره د پوهنتون د ریاست په دفتر کې ترسره شوه. دا غونډه چې د استاد کمال الدین عظیمي په تلاوت سره پیل شوه، د پوهنتون د محترم رئیس ډاکټر خادم حسین حبیبي په خبرو سره یې دوام وکړ. استاد حبیبي په خپلو خبرو کې د غونډې له تنظیم کوونکو څخه د مننې ترڅنګ د امام جعفر صادق(علیه السلام) د شهادت تسلیت هم وویل او د ښوونې، څېړنې، اداري او د استادانو د ملاتړ په اړه یې خبرې وکړې او د استادانو له خوا یې د علمي خدماتو د کیفیت د لوړولو غوښتنه وکړه. وروسته د پوهنتون علمي مرستیال ښاغلی ډاکټر غلامرضا کریمي خبرې وکړې او په خپلو خبرو کې یې په غونډه کې د محترمو استادانو له حضور څخه مننه وکړه او د یوه پوهنتون اعتبار یې د هغه د استادانو له وضعیت سره تړاو وباله او متخصص او ژمن استادان یې د هغه له قوتونو څخه وبلل. هغه په خپلو خبرو کې د استادانو د ظرفیت لوړولو، د محصلینو د انګیزې د کچې لوړولو، د پوهنتون د څېړنې وضعیت او ځینې ښوونیز اصول او مقررات هم یاد کړل او د علمي معاونیت له خوا د تحصیلي کال په پای کې د غوره استاد ټاکل یې هم یادونه وکړه. د علمي معاون له خبرو وروسته محترمو استادانو هم خپل نظرونه او لیدلوري د مطرح شوو موضوعاتو په اړه شریک کړل او د هغې د ښه والي لپاره یې خپل نظرونه څرګند کړل.
