د محصلینو تر منځ د وحی او قرآني پوهې د خپرولو او د روژې مبارکې میاشتې د لمانځلو په موخه، چې د اسلامي او ملي مناسبتونو څخه یو له لویو څخه دی، د ۱۴۰۳ کال د کب میاشتې په ۲۹ مه نېټه د چهارشنبې په ورځ د خاتم النبیین (ص) پوهنتون د غزني څانګې د ابو ریحان په تالار کې د “قرآن کریم په حضور کې” علمي-فرهنګي ناسته ترسره شوه.
دا ناسته چې د توحید علمي مدرسې، د عالیه صدیقیه جلالیه مدرسې، تمدن، غزنویان او سعادت رسنیو په همکارۍ ،په دوو برخو کې ترسره شوه. د پروګرام لومړۍ برخه د قرآن کریم ختم وه چې د پروګرام ګډونوالو لخوا ترسره شوه او وروسته د پوهنتون د محصل ښاغلی قاري پیمان احمدي لخوا د قرآن کریم آیات تلاوت شول. د پروګرام دویمه برخه علمي میز ګرد وه چې په کې د توحید مدرسې مسؤل الحاج استاد اصغري، د عالیه صدیقیه جلالیه مدرسه مسؤل الحاج مولوي محمد بدرالدین شهیدخیل، د خاتم النبیین(ص) پوهنتون د غزني څانګې د اقتصاد پوهنځي استاد ډاکټر محمد تقي هاشمي د پروګرام د مجري او دبیر ښاغلي بسم الله فطرت لخوا د قرآن کریم په رڼا کې د روژې میاشتې د مقام او لارښوونو په اړه، د انسانانو په فردي او ټولنیز اخلاقو د قرآن کریم اغیزې او په ورځني ژوند کې د هغه کارول، د قرآني لارښوونو په رڼا کې په ټولنه کې د روژې او جرمونو د کمښت ترمنځ اړیکه، د عدالت په ټینګښت کې د حکومت رول او د قرآن کریم له نظره د عدالت پلي کول، په ټولنه کې د عدالت د تحقق اصول او د روژې په میاشت کې د برکت مفهوم ته ځوابونه ورکړل.