د استادانو د څېړنیزو وړتیاوو د لوړولو او د علمي پرمختګ په لور له عصري ټیکنالوژیو څخه د اغېزمنې ګټې اخیستنې په موخه، د سې شنبې په ورځ، د ۱۴۰۴ لمریز کال د ثور په ۱۷مه، د مسلکي پراختیا آمریت، په پوهنتون کې د الکترونیکي زدهکړو کمیټې او د اقتصاد پوهنځي د الکترونیکي زدهکړو کمیټې له خوا، د پوهنتون د ریاست په دفتر کې د «علمي څېړنو کې د مصنوعي ځيرکتيا کارونې» تر عنوان لاندې یو تخصصي او روزنیز ورکشاپ جوړ شو.
دا ورکشاپ چې د پوهنتون د علمي پلاوي او څېړونکو په پراخه ګډون (په حضوري او آنلاین بڼه) ترسره شو، د علمي څېړنو د کیفیت په لوړولو کې د مصنوعي ځيرکتيا نویو ټیکنالوژیو بدلون راوړونکي رول ته ځانګړی شوی و.
په دې برنامه کې، د اقتصاد پوهنځي علمي غړي پوهنیار استاد محمدجلیل کریمي، د برنامې ګډونوالو ته د څېړنیزو پروسو کې د مصنوعي ځيرکتيا عملي کارونې په اړه بحثونه تشریح کړل.
د ورکشاپ اصلي موضوعات په لاندې ډول وو:
- د Perplexity او NotebookLM پرمختللو مصنوعي ځيرکتيا سیسټمونو پېژندنه؛
- د څېړنیزو معلوماتو راټولولو او پروسس کولو غوره کولو لارې چارې؛
- په علمي څېړنو کې د هوښیار محتوا تحلیل تخنیکونه.
