د کتاب لوستلو د فرهنګ د ودې او د اسلامي اخلاقي ارزښتونو د بنسټیز کولو په موخه د غزني په خاتم النبیین پوهنتون کې د ۱۴۰۳ کال د سنبلې میاشتې په ۳۱ مه نېټه د “اسلامي اخلاقو په برخه کې وینا” تر سرلیک لاندې د کتاب لوستلو سیالي ترسره شوه. دغه غونډه چې فرهنګي آمریت او دفرهنګي کميټو په همکارۍ جوړه شوې وه دطب، اقتصاد، حقوقو او سياسي علومو دپوهنځيو د محصلينو له تود هرکلي سره مخامخ شوه . د دې سيالۍ د تر سره کولو موخه د زده کوونکو د لېوالتيا لوړول او له اسلامي اخلاقي مفاهيمو سره اشنا کول وو.
