د حقوق او سیاسی علومو پوهنځي د پوهنتون د کیفیت د لوړولو ریاست په همکارۍ د حقوق او سیاسی علومو پوهنځي د استادانو د کیفیت د تضمین له معیارونو سره د بلدولو ورکشاپ د پوهنځي د محترمو استادانو او د پوهنتون د مسوولینو په حضور کې د ۱۴۰۴ کال د ثور میاشتې په ۲۹مه نېټه د دوشنبې په ورځ جوړ کړ.
د ورکشاپ پیل د قرانکریم د مبارکو ایتونو په تلاوت سره وشو، ورپسې د پوهنتون محترم رئیس استادانو ته ښه راغلاست ووایه او د کیفیت د تضمین د معیارونو په تطبیق کې یې د استادانو د لازمو هڅو او کوښښونو غوښتنه وکړه.
په دوام کې د پوهنتون د کیفیت د لوړولو رئیس استاد محمد هادي پویا د اصلي وړاندې کوونکي په توګه د کیفیت د تضمین اړوند موضوعات تشریح کړل او د ښوونې د کیفیت پر اهمیت سربېره یې د کیفیت د تضمین د معیارونو په چوکاټ کې د استادانو او پوهنځي دندو ته اشاره وکړه او د کیفیت د تضمین یوولس ګوني معیارونه یې استادانو ته تشریح او روښانه کړل.
