دغه تفاهم لیک چې د محصلانو د حقوقي پوهې د کچې د لوړولو او د خاتم النبیین(ص) پوهنتون د حقوق او سیاسي علومو پوهنځی د کلني عملیاتي پلان د پلي کولو په موخه د حقوق او سیاسي علومو پوهنځی د رئیس ښاغلی استاد معرفت او د حسیني د حقوقي دفتر مسوول الحاج سید تواب حسیني تر منځ د پوهنتون د علمی مرستیال ښاغلي ډاکټر کریمي او د حقوق دیپارتمنت آمریت ښاغلی دکتر شایانفر په حضور کې لاسلیک شو.
ښاغلی استاد معرفت د دغه تفاهم لیک له لاسلیکولو مخکې په خپلو لومړنیو څرګندونو کې د خاتم النبیین (ص) پوهنتون د حقوق او سیاسي علومو له پوهنځي سره د سادات حسیني دارالوکاله د دوامداره همکاریو د قدردانۍ په ترڅ کې وویل چې د محصلینو روزنه د دغه تفاهم لیک له مخې ترسره کیږي او د هېواد حقوقي اړتیاوې د حقوق او سیاسي علومو پوهنځی یو له مهمو مسایلو څخه دی او زیاته یې کړه، چې دغه پوهنتون له همدې اهمیت سره سم، ښه عملي ګامونه پورته کړي او د دغه پوهنتون محصلین یې په بېلابېلو حقوقي بنسټونو کې د زده کړو لپاره استولي دي. ورپسې ښاغلی سید تواب حسیني د خاتم النبیین(ص) پوهنتون د غزني څانګې د علمي او تحصیلي فعالیتونو او په ځانګړې توګه د حقوقو او سیاسي علومو د کورسونو یادونه وکړه او ویې ویل چې دغه تفاهم لیک د محصلینو لپاره د عملي کار زمینه برابرولی شي.
د یادولو وړ ده چې د دغه تفاهم لیک لاسلیک د شنبې په ورځ د ۱۹/۳/۱۴۰۳ نیټه د خاتم النبیین(ص) پوهنتون د غزني د څانګې د محترم علمي مرستیال په دفتر کې ترسره شو.
