توسعه او پرمختګ، امنيت او سوکالي، عزت او سرلوړي د يوې ټولنې د عامه او تخصصي پوهې او پوهاوي له کچې سره ژوره اړیکه لري، او دا مهمه موضوع د کتاب او له کتاب سره د انس او د هغې د موخې لرونکې مطالعې له لارې تېرېږي. دا په داسې حال کې ده چې په افغانستان کې د کتاب مطالعې کچه بحراني حالت لري او کتاب په دې جغرافيه کې د خپلې غربت دوره تېروي. د کتاب غربت او له هغه سره نه منونکې اړیکه د هېواد د څو اړخیزو بحرانونو په دوام او د هېواد د څو اړخیزو انحطاط په ژورېدو کې جدي رول لري. له همدې امله د خاتم النبیین (ص) پوهنتون غزني څانګې د عامه او تخصصي پوهاوي پراختیا خپل اصلي هدف ګرځولی او په دې لاره کې یې ډېر فرصتونه رامینځته کړي او بېلابېل پروګرامونه یې پلي کړي دي. سربیره پردې، له رامینځته شویو فرصتونو څخه یې په ښه توګه ګټه اخیستې او په ټولنه کې د پوهاوي د کچې د پراختیا او لوړولو لپاره یې ګام او قلم پورته کړی دی. د غزني ولايت د اطلاعاتو او فرهنګ رياست له خوا د کتاب د نړيوالې اونۍ د نمانځنې په مناسبت د کتاب په نندارتون کې ګډون يو له دغو پروګرامونو څخه دی چې د خاتم النبیین پوهنتون غزني څانګې خلکو ته د کتاب د لا زياتې خوښۍ او انس لپاره په کې تر ټولو مهم رول ولوباوه. دا نندارتون چې د ټولنې د بېلابېلو قشرونو له تود هرکلي سره مخ شو، د خواجه علي سړک ترڅنګ په يوه پارک کې جوړ شو او په کې د پوهنتون وروستي علمي او فرهنګي لاسته راوړنې، علمي-تخصصي کتابونه، د پوهنتون نشريات، د محصلینو هنري آثار، دیني، تاریخي، ادبي کتابونه… د دوو ورځو لپاره، د ۱۴۰۴ کال د غويي د مياشتې په ۳۰ او ۳۱ نېټه، د محصلینو، علماوو، زده کوونکو او د کتاب مینه والو ته نندارې ته وړاندې شول.
