شنبه 19 جوزا 1403 برابر با Saturday, 8 June , 2024
There is nothing to show here!
Slider with alias none not found.

د خاتم النبیین(ص) پوهنتون، غزني څانګه د “میګرن سردردي Migraine Headache” په اړه د محصلانو علمی سیمینار جوړ شو
د معالجوي طب پوهنځي په نوښت، د څیړنې فرعي کمیټې او د معالجوي طب پوهنځي د محصلینو په همکارۍ د محصلینو علمي سیمینار “میګرن سردردي Migraine Headache” د شنبې په ورځ۲۹/۲/۱۴۰۳ د خاتم النبیین پوهنتون د ابوریحان د غونډو په تالار کې د سهار ۹ بجې ترسره شو.
دغه سیمینار چې د محصلینو له تود هرکلي سره مخ شو، د دغه پوهنځی د دریم سمستر محصل ښاغلی مسلم رسولي له خوا د کلام الله مجید د مبارکو آیاتونو په تلاوت او د طب پوهنځی رییس ښاغلی ډاکټر حمیدالله مهدي زاده په وینا پیل شو. داکتر مهدي زاده د سیمینار په دوام کې د څیړنې او پریزنټشن په برخه کې د زده کونکو د ونډې اهمیت په اړه خبرې وکړې. په دغو خبرو کې ډاکتر مهدي زاده د محصلانو د علمي سيمينار د څيړنې او پريزنټېشن وړاندې کول د تحصیلي دورې يوه له تعليمي اړتيا او د څيړنې په برخه کې د محصلينو د پرمختګ يو مهم عامل وباله او زياته يې کړه چې طب پوهنځی د خاتم النبیین (ص) پوهنتون، علمي او اکاډمیکو ارزښتونو ته ژمنه ده او هڅه کوي چې د محصلینو لپاره د څیړنیزو فعالیتونو د زمینې برابرولو په برخه کې اوږد ګامونه پورته کړي.
ورپسې د طب پوهنځی د پنځم سمستر محصل ښاغلي سميع الله رامکي د سر درد په لومړنيو موضوعاتو او د هغې پر ډولونو خبرې وکړې، ورپسې د ياد پوهنځي د پنځم سمستر بل محصل حبيب الرحمن فقيري د میګرین، د میګرین سر درد، د میګرین درد وصف، د میګرین حملې مرحلې، په ورستیو کلونو په غزني ولایت کې د میګرین په اړه څیړنې، د میګرین لاملونه، د میګرین ډولونه، د میګرین تشخیص او درملنې میتودونه په اړه بحث وکړه او په پای کې د محصلینو پوښتنې ته ځواب وکړل شو.

      

Leave a Reply

Your email address will not be published. Required fields are marked *