د خاتمالنبیین
پوهنتون، غزني څانګې نن جمعه، د ۱۴۰۴ کال د زمري ۱۰ مه، د ډېرو لیوالو داوطلبانو، د پوهنتون د چارواکو او د لوړو زدهکړو وزارت د نظارتي پلاوي په حضور کې، د ۱۴۰۴ تحصیلي کال د مني سمستر عمومي کانکور ازموینه په بریالیتوب سره ترسره کړه.
مراسم د قرانکریم په مبارکو آیتونو پیل شول، چې د کانکور یو تن ګډونوال، قاري بصیر احمد عمري، تلاوت کړل. وروسته، د پوهنتون رئیس، ډاکټر حبیبي، د لوړو زدهکړو وزارت پلاوي ته ښه راغلاست ووایه او د غزني پوهنتون له همکاریو څخه یې مننه وکړه. نوموړي د خاتمالنبیین (ص) پوهنتون پر اساسي نقش ټینګار وکړ چې د «ژمنتیا او تخصص» شعار په رښتیا کولو او د ټولنې په پرمختګ کې مهم رول لري. هغه داوطلبانو ته ډاډ ورکړ چې دا پوهنتون په ټولو تحصیلي پړاوونو کې کیفیت، صداقت، قانونمندۍ او د لوړو زدهکړو وزارت اصولو ته ژمن دی.
په دوام کې، پوهندوی احسان الله کامران د لوړو زدهکړو وزارت د نظارتي پلاوي په استازیتوب، د ډاکټر حبیبي او د پوهنتون د استادانو له هڅو څخه قدرداني وکړه او د ژمنو او متخصصو محصلینو په روزنه او د ټولنې په پرمختګ کې یې د خاتمالنبیین (ص) پوهنتون پر مثبت اغېز خبرې وکړې.
په پای کې، د حقوقو پوهنځي استاد او د پوهنتون د ازموینو چارو مدیر، استاد احمدرضا رضوي، داوطلبانو ته د ازموینې پروسې او پوښتنو ته د ځواب ورکولو په اړه اړین توضیحات ورکړل.
دا ازموینه نه یوازې د داوطلبانو د پوهې د ازمویلو فرصت و، بلکې د خاتمالنبیین (ص) پوهنتون پر دې ژمنتیا یو څرګند نښه وه چې باکیفیته زدهکړې وړاندې کړي او د ښې راتلونکې لپاره یوه باصلاحیته او متخصصه نسل وروزي.
