د خاتمالنبیین (ص) پوهنتون، غزني څانګه په وياړ سره اعلانوي چې د دې علمي بنسټ اړوند “طبي څېړنو” علمي او تحقيقي مجلې، د لوړو زدهکړو وزارت د ارزيابۍ او معيارونو له پلي کولو تخصصي مراحلو وروسته، د دغه وزارت له څېړنې، تاليف او ژباړې رياست څخه د خپرولو رسمي جواز ترلاسه کړی او په رسمي ډول د هېواد په معتبرو علمي او تحقيقي مجلو په لېست کې شامله شوې ده.
د دې وياړ ترلاسه کول، د تخصصي پوهې په توليد او خپرولو کې د خاتمالنبیین (ص) پوهنتون، غزني څانګې د مخ په ودې علمي ظرفيت څرګندونه کوي او د هېواد په طبي علومو کې د څېړنې پر بنسټ کلتور د پراختيا او بنسټيز کولو په لور يو ثابت ګام بلل کېږي.
د “طبي څېړنو” علمي او تحقيقي مجله به د يوه معتبر ملي مرجع په توګه، د طبي علومو په بېلابېلو څانګو کې د نويو څېړنو د خپرولو لپاره زمينه برابره کړي او د هېواد د لوړو زدهکړو بنسټونو د علمي کيفيت لوړولو په برخه کې، په ځانګړي ډول په طبي عملي څېړنو کې به مؤثره ونډه واخلي.
د خاتمالنبیین (ص) پوهنتون، غزني څانګه، دا لاسته راوړنه د خپل علمي تاريخ په اوږدو کې يو مهم ټکی بولي او د هېواد د طبي علومو له ټولو فاضلو استادانو او څېړونکو څخه غوښتنه کوي چې د خپلو څېړنيزو اثارو په لېږلو سره، د دې مجلې په علمي غنا کې ونډه واخلي.
