د پوهنتون له علمي او اداري مقرراتو او قوانینو سره د نویو زده کوونکو د اشنا کولو په موخه، د ۱۴۰۴ کال د مني کانکور د نویو محصلینو لپاره د پېژندنې او لارښوونې غونډه د ابوریحان په تالار کې د 1404/05/29 نېټې جوړه شوه.
دا غونډه د محصلانو چارو مرستیال او د کلتور او اسلامي ارشاد آمریت په نوښت جوړه شوې وه، چې په کې د محصلانو د چارو محترم مرستیال، د علمي چارو محترم مرستیال، د اداري او مالي چارو محترم مرستیال، یو شمېر استادانو او د ۱۴۰۴ کال د مني کانکور نوي محصلین شتون درلود. غونډه د صفي الله سعیدي لخوا د قرآن کریم په څو مبارکو آیتونو پیل شوه او د اداري او مالي چارو د مرستیال ښاغلي استاد کریمي په خبرو سره وغځېده. نوموړي په خپلو خبرو کې استادانو او محصلینو ته ښه راغلاست وویل او د پروګرام ګډونوالو محصلینو ته یې د کرېډیټ د ټاکلو او مالي او اداري مقرراتو په اړه معلومات ورکړل. ورپسې د غونډې کوربه استاد معرفت خبرې وکړې او د استادانو تر هرکلي او نویو محصلینو ته د نوي علمي ژوند او ظرفیت لوړولو په موخه د تخصص په برخه کې د قدم اېښودلو مبارکي ورکولو ترڅنګ یې، د پروګرام ګډونوالو محصلینو ته د زده کړې د مختلفو پړاوونو قوانین او مقررات هم په ډاګه کړل.
