دا سیمینار د طب پوهنځي په نوښت، د څیړنې فرعي کمیټې او د طب محصلینو په همکارۍ د پنجشنبې په ورځ د ۳/۳/۱۴۰۳ نیټې د سهار له نه بجو څخه تر لسو بجو پورې د پوهنتون په ابو ریحان البیروني د غونډو په تالار کې د محصلینو په پراخ حضور سره جوړ شو.
غونډه د دغه پوهنتون د څلورم سمستر د محصل قاري صاحب عبیدالله احمدي له خوا د کلام الله مجید په مبارکو ایتونو سره پیل شوه، ورپسې د عصبي جراحۍ متخصص او د دغه پوهنتون د طب پوهنځي استاد ډاکټر باقر سعیر خبرې وکړې. نوموړي وويل، چې دغه پوهنتون علمي او اکاډميکو ارزښتونو ته ژمن دی او هڅه به وکړي، چې د محصلينو د څېړنيزو فعاليتونو لپاره زمينه برابره کړي او د محصلينو د دا ډول علمي پروګرامونو بنسټ وي.
