د ۱۴۰۴ کال د حمل په ۲۴مه نېټه، د غزني خاتم النبیین (ص) پوهنتون خپل عملیاتي پلان د تطبیق او د چاپېریال په ساتنه او زرغونتیا کې د فعالې ونډې اخیستلو په موخه، د غزني ولایت د ښاروالۍ ریاست په همکاری سره نیالګي کېښودل.
په دې برنامه کې چې د غزني ښاروالۍ د محترمو مسئولینو، د خاتم النبیین (ص) پوهنتون د محترم رئیس او یو شمېر کارمندانو او د چاپېریال ساتنې مینه والو په ګډون ترسره شوه، د پوهنتون په ځمکه کې یو شمېر غیرمثمر نیالګي کېښودل شول.
دا اقدام د چاپېریال په وړاندې د خاتم النبیین (ص) پوهنتون د ژمنتیا او ټولنیز مسئولیت او په ټولنه کې د زرغون او سالم چاپیریال د رامنځته کولو لپاره د هڅو ښکارندویي کوي. د پوهنتون مسئولینو د غزني ښاروالۍ له ریاست سره د همکارۍ قدرداني وکړه او د چاپېریال د ساتنې او ښه والي په برخه کې یې د دا ډول فعالیتونو پر دوام ټینګار وکړ.
هیله ده دا ګډ اقدام په غزني ولایت کې د چاپېریال ساتنې د فرهنګ په وده او د یو ښکلي او زرغون چاپیریال په رامنځته کولو کې یو اغېزمن ګام وي.
