د خاتم النبیین (ص) پوهنتون د غزني څانګې د علمي تحقیقاتو آمریت په وياړ سره په نړیوال ژورنال International Journal of Social Science Research and Review (IJSSRR) کې د حقوقو ډیپارټمنټ د استاد او آمر ښاغلي ډاکټر حسن رضا شایانفر د ارزښتناکې مقالې منل، چې عنوان یې دی: “ A Comparative Study of the Manifestations of Restorative Justice in the Criminal Law of Afghanistan and Iran” مبارکي وايي.
دا ستره لاسته راوړنه د افغانستان او ایران د حقوقي نظامونو په پرتله ایز ډول د معاصرو حقوقي مسایلو په تحلیل کې د نوموړي علمي مقام او څېړنیزې وړتیا ښکارندویي کوي. یاده مقاله چې د افغانستان او ایران په دواړو جزایي قوانینو کې د ترمﯿﻤﻲ عدالت د جلوو په دقیق او تخصصي ډول څېړنه کوي او د افغانستان په مختلفو قوانینو کې د ترمﯿﻤﻲ عدالت کارکردګي او اړتیاوې تحلیلوي.
دا څېړنه نه یوازې د سیمې او نړۍ د حقوقي ادبیاتو په بډاینه کې د پام وړ ونډه لري، بلکې په دې دواړو هېوادونو کې د ترمﯿﻤﻲ عدالت په برخه کې د حقوقي پالیسیو د مثبتو بدلونونو لپاره زمینه هم برابرولی شي. په یوه معتبر نړیوال ژورنال کې د دې مقالې منل، د خاتم النبیین(ص) پوهنتون د غزني څانګې او د هېواد علمي ټولنې لپاره د ویاړ ځای دی او د اصیلو او کاروړنو څېړنو لپاره د نوموړي د ژمنتیا څرګندونه کوي.
له لوی خدای څخه د نوموړي لپاره د لا زیاتو بریاوو، روغتیا او د علمي ځلښت دوام غواړو او هیله لرو چې دا بریا په راتلونکي کې د لا لویو او اغېزناکو علمي لاسته راوړنو لپاره پیلامه وي.