د خاتم النبیین(ص) پوهنتون غزني څانګه، د حقوق او سیاسي علومو پوهنځی د محصلینو د علمي ظرفیت د لوړولو په موخه د تدریسي میتودونو کارول اړین ګڼي او د دغه پوهنځی استادان هڅه کوي چې د زده کړو بهیر چټک کړي او په صنفي فعالیتونو کې د زده کونکو د فعال ګډون له لارې اهدافو ته رسیدل ډیر ګټور او اغیزمن کړي. په همدې مناسبت د «اسلامي شریعت له مخې د قتل د جرم سزا» تر سرلیک لاندې یو صنفي سیمینار د پوهنتون د رئیس ښاغلي ډاکټر خادم حسین حبیبي مضمون (جرم پیژندنه) د درس په ترڅ کې او د پوهنځی د علمي غړی په ګډون په ۲/۳۰/۱۴۰۳ نیټه کې جوړ شو. دغه صنفي سيمينار د حقوق پوهنځی د پنځم سمستر محصل ښاغلی عبدالبصير له خوا په لاره واچول شو او په اسلام کې يې د مقتول د ډولونو له مخې د قتل د جرم سزا بيان کړه.
