د غزني د خاتم النبیین(ص) پوهنتون د مشاورې او کارموندنې مرکز د طب پوهنځي له فرهنګي کمیټې سره په ګډه، د محصلانو د شخصي مهارتونو د ودې په موخه د تحصیلي پلان جوړونې او د وخت مدیریت په برخو کې، د “تحصیلي پلان جوړونې او د وخت مدیریت مهارتونه” تر عنوان لاندې یو روزنیز سیمینار د ۱۴۰۴/۱/۲۷ نېټې د چهارشنبې په ورځ د ابوریحان په تالار کې ترسره کړ.
په دې غونډه کې چې د پوهنتون محترم رئیس، مرستیالانو، د طب پوهنځي رئیس او د حقوقو او سیاسي علومو پوهنځي آمر او نورو اداري همکارانو او د مختلفو څانګو ډېرو محصلانو ګډون کړی و، په پیل کې د غزني د خاتم النبیین پوهنتون محترم رئیس ښاغلي ډاکټر حبیبي د مشاورې مرکز د مسؤلیتونو او د دې مرکز له لارې محصلانو او مراجعینو ته د خدماتو وړاندې کولو په اړه لارښوونې وکړې. ورپسې د مشاورې او کارموندنې مرکز مسئول استاد کمال الدین عظیمي محصلانو ته د پلان جوړونې د تعریف، د تحصیلي پلان جوړونې اهمیت، د وخت مدیریت تخنیکونه او د درسي پلان جوړونې د تنظیم څرنګوالي په اړه بحثونه وړاندې کړل.
دغه سیمینار د پلان جوړونې او د وخت مدیریت په مختلفو میتودونو او تخنیکونو باندې بحث وکړ ترڅو له محصلانو سره مرسته وکړي چې د زده کړې په ژمنتیا سربېره خپل وخت په غوره توګه مدیریت کړي.
