د خاتمالنبیین پوهنتون او ادارې او محاسبې انستیتیوت ترمنځ د همکارۍ هوکړهلیک د عملي کولو په لړ کې، د سې شنبې په ورځ، د 1404 کال د سرطان په 3مه نېټه، د غزني ولایت په ادارې او محاسبې انستیتیوت کې د اقتصاد څانګې د مینه والو محصلینو لپاره د تحصیلي مشورې په اړه یوه ناسته جوړه شوه.
دا ناسته چې د خاتمالنبیین پوهنتون غزني د اقتصاد پوهنځي او مشورې او کارموندنې مرکز په همت او د عمومي اړیکو د محترم مسوول ښاغلي فطرت په همغږۍ جوړه شوې وه، او په کې د انستیتیوت یو شمېر محصلینو، استادانو او مسوولینو ګډون کړی و، د قرانکریم د څو مبارکو آیتونو په تلاوت پیل شوه او وروسته د اقتصاد پوهنځي علمي غړي ډاکټر سید محمدتقي هاشمي خبرې وکړې. هغه په خپلو خبرو کې د علم اهمیت او د ټولنو په پرمختګ کې د پوهې کلیدي ځای په اړه وویل او د پیچلو اقتصادي او ټولنیزو ستونزو په حل کې یې د اقتصاد د رول په اړه معلومات ورکړل او په عصري نړۍ کې یې دې علم ته پر پاملرنې ټینګار وکړ.
د پروګرام بل ویناوال د اقتصاد پوهنځي مشر استاد اسحاق علي فهیمي و. هغه د خاتمالنبیین پوهنتون د اقتصاد څانګې په برخه کې شته امکانات او ظرفیتونه معرفي کړل او د دې څانګې د زدهکړو او څېړنو فرصتونو ته یې اشاره وکړه. د پوهنځي مشر د خپلو خبرو په بله برخه کې، د دې څانګې د پراختیا او له کاري بازار سره د اړیکو ټینګولو لپاره د پوهنتون د راتلونکو پلانونو خبر ورکړ.
د دې پروګرام وروستی ویناوال د مشورې او کارموندنې مرکز مسوول استاد کمال الدین عظیمي و، چې د کاري او تحصیلي بریالیتوبونو په برخه کې یې د نرمو مهارتونو د رول په اړه خبرې وکړې. هغه په دې خبرو کې د اغېزمنې اړیکې، د وخت مدیریت، ټیمي کار، ستونزو حل او انتقادي فکر په څېر د نرمو مهارتونو پر اهمیت سربېره، ټینګار وکړ چې دا مهارتونه د تخصصي پوهې د بشپړوونکي په توګه، د هر فرد په تحصیلي او کاري برخو کې د بریالیتوب ترلاسه کولو کې خورا مهم رول لوبوي. هغه د خاتمالنبیین پوهنتون د مشورې او کارموندنې مرکز د مشورې ورکولو او د نرمو مهارتونو په ښه کولو کې د محصلینو همکار معرفي کړ.
دا ناسته چې د انستیتیوت د محصلینو او مسوولینو له پراخ هرکلي سره مخ شوه، په اقتصاد څانګه کې د راتلونکو لارو چارو سره د اشنایۍ او د کاري بازار کې د بریالیتوب لپاره د اړینو مهارتونو په اړه د پوهاوي د زیاتوالي لپاره د مشورې له لارې مناسب فرصت برابر کړ.
