د علمي تحقیقاتو آمریت په ډېرې خوښۍ سره د خاتم النبیین (ص) پوهنتون د غزني څانګې د حقوق پوهنځي استاد او د مشورې او کارموندنې برخې مسئول ښاغلي کمال الدین عظیمي ته د ایران د حقوق او قانون د څېړنیز مرکز د حقوقي غوره پای لیکونو په جشنواره کې د لومړي مقام ګټلو مبارکي وايي. دا ځلانده بریا د حقوق د پوهې د پرمختګ لپاره د ده د ارزښتناکو علمي هڅو او دوامداره ژمنتیا ښکارندویي کوي. د نوموړي پای لیک د «د سوداګریزو منځګړیتوب حاکم اصول او قواعد او د هغې د پراختیا حقوقي لارې چارې، د ایران، افغانستان او د ۲۰۲۱ کال د انسیترال قواعدو په حقوقي نظام کې تطبیقي مطالعه» تر عنوان لاندې د نویو او عملي لیدلورو په وړاندې کولو سره په دې جشنواره کې د کال د غوره اثر په توګه وپېژندل شو. د علمي تحقیقاتو آمریت دا ارزښتناکه لاسته راوړنه علمي ټولنې، په ځانګړې توګه قدرمنو محصلانو او څېړونکو ته مبارکي وايي او د خپل قدرمن استاد له هڅو څخه مننه کوي. هیله ده دا بریا په پوهنتون کې د څېړنې او نوښت د فرهنګ د لا پراختیا لپاره انګېزه وګرځي.
