د خاتم النبیین پوهنتون د غزني څانګې له تلپاتو دندو او سیاستونو څخه د د فرهنګي ودې د نوښتونو د پیژندلو، لوړولو او هڅانده فرهنګي زده کړیالانو ته د شونتیاووبرابرول دي. په دې ترڅ کې د ۱۴۰۱ کال د سلواغئ د میاشتې په دوهمه نیټه د دوشنبې په ورځ هغوئ چې د۱۴۰۱ کال په اوږدو کې يي له فرهنګي امریت سره ډیره ، ښه او اغیزمنه فرهنګي مرسته لرله د فرهنګې هڅاندو زده کړیالانو د ستاینې په موخه د پوهنتون د محترم ریاست په دفتر کې غونډه جوړه کړه، په دې غونډه او پروګرام کې د پوهنتون مرستیالانو د پوهنځیو رئسانو د دیپارتمنتونونو آمرینو، استادانو او د خاتم النبیین پوهنتون دغزني څانګې کارکونکو هم ګډون کړی وو. په ۱۴۰۱ کال کې سیدمحمد اصغر کوثري، بسم الله فطرت، او اغلې تمنا توانګرد هڅاندو فرهنګي زده کړه یالانو په توګه غوره شول.
د پروګرام په پیل کې د فرهنګ اواړیکو د امریت چارسمبالي دوکتور بسم الله مهدوي، د محترمو مرستیالانو، د پوهنځیو ریسانواو نورو محترمو ګډونوالو له هڅو او مرستې څخه چې د فرهنګ او اړیکو له امریت سره يي په ۱۴۰۱ کال کې ترسره کړې وي د مننې ترخوا معلومات وړاندې کړل. د خاتم النبیین پوهنتون علمي او تدریسي مرستیال ډاکتر مدقق د فرهنګي هڅاند د نوم او ویاړ د ترلاسه کولو له امله زده کړیالانو ته مبارکي وویله: او د فرهنګ د اهمیت په اړه يي څرګندونې وکړي هغه فرهنګي کار بنسټیز کار وباله، ورپسي د حقوقو او سیاسي علومو د پوهنځي ریس ډاکتر محمد رحیم اصغري وینا وکړه او د خپلو خبرو په ترڅ کې يي د فرهنګ او اړیکو له آمریت څخه د ستاینې او مننې تر خوا د فرهنګ او اړیکو دآمریت هڅې او کړنې له دې امله وستایلې چې د غوره فرهنګي او هڅاند زده کړیال د غوره کولو پروګرام يي جوړ او د جوړیدو له کبله يي زده کړیالانو ته هم مبارکي وویله او هغه يي وستایه. نوموړي فرهنګي کارونه سپیڅلي وبلل او په دیني، ټولنیزو ډګرونو کې يي د زده کړیالانو هڅاند ګډون او د فرهنګي کارونو سرته رسول یوه دیني او اسلامي دنده یاده کړه. نوموړي د خپلو خبرو په بله برخه کې نوي او پراختیا غوښتنونکي استعمارته په اشارې سره هغه فرهنګي استعمار، فرهنګی برید او د لویدیځ فرهنګي یرغل وباله. ډاکتر اصغري د خپلو خبرو په وروستیو کې د هیواد رښتني خپلواکي له فرهنګي خپلواکې سره غوټه کړه او سیاسي، اقتصادي… خپلواکي يي د فرهنګي خپلواکي له شتون پرته بي معنا او بي ارزښته وبلله. دا پروګرام اوغونډه هڅاندو فرهنګي زده کړیالانو ته د حقوقو او سیاسي علومو، اقتصاد، او معالجوي طب د پوهنځیو د ریسانو او محترمو مرستیالانو له لوري د ستاینپاڼو په ورکولو سره پای ته ورسیده.