د استادانو د تدریسي مهارتونو د لوړولو، د تدریس له نویو لارو چارو سره د اشنایۍ، په ټولګي کې له ټکنالوژۍ څخه اغېزمنه ګټه اخیستنې او د استاد او محصل ترمنځ د فعال تعامل د زیاتوالي په موخه، د دوشنبې په ورځ، د ۱۴۰۴ کال د چنګاښ په ۳۰مه نېټه، د “تدریس نوي مېتودونه” تر عنوان لاندې تخصصي ورکشاپ، د دغه پوهنتون په حقوقي کلینیک تالار کې جوړ شو.
دا ورکشاپ چې د خاتم النبیین (ص) پوهنتون، د غزني څانګې د حقوقو ډیپارټمنټ او مسلکي پراختیا آمریت په همت ترتیب شوی و او د پوهنتون محترم رئیس او د حقوقو او اقتصاد پوهنځیو یو شمېر استادانو پکې حضور درلود، د قران کریم د مبارکو آیاتونو په تلاوت پیل شو او د محترم علمي معاون ښاغلي ډاکټر کریمي په پریزنټشن سره دوام وکړ. علمي معاون په دې ورکشاپ کې، مهمې موضوعګانې لکه فعالې زدهکړې، د تدریس معکوسه طریقه، د اغېزمنې ارزونې او سنجش لارې چارې او د نویو مرستندویه تدریسي وسایلو څخه کار اخیستنه یې په عملي بڼه ګډونوالو ته تشریح کړل.
د مطرح شویو پوښتنو ځوابونه، د دې ورکشاپ پای و.
